Рецепт: Шпагети во сос со брокула
Интересна комбинација на состојки за врвно гурманско уживање.
Потребни состојки:
- 50о грама шпагети
- 1 главица кромид
- 200 грама шампињони
- една китка брокула
- 100 милилитри неутрална павлака
- сол и црн пипер
- масло за јадење
Начин на подготовка:
Во сад на оган сварете ги шпагетите на вообичаениот начин, а потоа процедете. Истата постапка се однесува и на цветовите брокула, сварете ги и оставете ги настрана.
Додека се варат шпагетите, во друг сад пропржете го ситно исецканиот кромид со печурките. Откако ќе омекнат состојките, додадете ја брокулата.Зачинете по желба. На крајот, додадете ја и неутралната павлака и добро промешајте.
Сервирајте ги сварените шпагети во посебни чинии и прелијте ги со сосот.
На здравје!
Остави коментар