Рамен стомак после породувањето

Веќе го донесовте на свет вашето малечко. Уживате во најубавата улога што може да ви ја додели животот- во мајчинството. Сигурно веќе полека почнувате да закрепнувате од самиот чин на породувањето, а животот полека се враќа во нормалниот колосек.

Периодот во кој повторно интензитетот на интересот насочен кон она што е добро за вас и вашето тело е на самиот праг. Можеби сте незадоволни од одразот во огледалото кога ќе се погледнете во него и веќе сериозно почнувате да размислувате што е со вашиот стомак?

Околку прашањето за колку време вашиот стомак ќе се врати во првобитната состојба после породувањето само едно е сигурно-треба трпение, работа а понекогаш и промени во начинот на живот.

Секој случај е индивидуален и варира од жена до жена. Најчесто е во тесна корелација со неколку фактори:

– интензитетот на физичката активност пред породувањето

– настанувањето на можни повреди за време на породувањето

– начинот на исхрана и практикувањето на физичка активност по породувањето

Можеби нема скоро да ја добиете посакуваната фигура, но сигурно ќе се чувствувате силно и подобро од порано-вели фитнес тренерот за трудници Кејли Моро. Нејзината препорака во насока на постигнување на целта- рамен стомак е континуитет во вежбањето без големо физичко напрегање на почетокот, консумирање на здрава и нутритивно избалансирана исхрана и  строго контролиран внес на јаглени хидрати.

Просечното време за добивање на посакуваните резултати во услови на следење на препораките изнесува четири месеци.