Негувајте ги емоциите исто како и телото

Kвалитетот на животот како сложен феномен опфаќа повеќе сегменти од нашиот живот и начинот на кој што делуваме во секојдневието.

Нашата сегашност се почесто е одлика на брз и стресен ритам на животот.

Времето во кое живееме е време на големо загадување на водата, воздухот, земјата а самата таа состојба влијае неповолно врз здравјето.

За да го заштитиме нашето здравје важно е да се консумира здрава храна, да се биде физички активен, но и да се има „позитивни мисли“. Она што  мораме да го  научиме и прифатиме како животно правило, но и редовно да го применуваме е потребата подеднакво да се грижиме за психичкото здравје и здравиот дух , исто како што се грижиме и за телесната состојба.

Времето кога храната и пијалоците биле во склад со природата и оптимално му служеле на човекот одамна е поминато.

Префинетите навики за храна донесоа нови рецепти кои не се темелат на потребите на телото за храна. Индустријализацијата на производството и обработката на свежи производи ги оптоваруваат храната и пијалокот со „туѓи“ материи, кои организмот мачно ги преработува.  Новите навики во исхраната како што се „fast food“ водат кон едноличност во исхраната, а како последица се јавуваат многу заболувања кои дефинитивно го намалуваат квалитетот на животот.