Нега на кожата пред спиење

Најдобар период од денот наменет за рутинска нега на кожата се вечерните часови непосредно пред да заминете во вашата спална соба.

Освен што нема да морате да се брзате за да не задоцните на работа, што не ретко е случај во раните утрински часови, вечерната нега е важна за вас бидеќи спиењето со чисто лице прави да се чувствувате убаво во својата кожа, свесни дека кога ќе станете наутро таа ќе изгледа свежо без потреба да нанесете еден тон шминка за да ги сокриете недостатоците на кожата на лицето.

Секоја вечер пред спиење одвојте неколку минути и овозможете си домашен мини-спа третман од три чекори.

Пред се,  темелно исчистете ја кожата симнувајќи ја шминката со благи лосиони, а потоа измијте го лицето со топла вода и органски природни сапуни.

Нареден чекор е маската за лице. Користете природни маски кои ќе ја освежат кожата. Најдобар избор се глинените маски како и домашно приготвените маски на база на здрави и природни состојки, кои одговараат на типот на вашата кожа.

Глинените маски се препорачуваат доколку имате сува и груба кожа.

На крајот од мини-спа третманот следува последниот, но не помалку важен чекор-хидратација на кожата. Одберете ноќна хидратантна крема која ќе ја смири и омекне вашата кожа додека удобно спиете во вашиот кревет.