Кожата мора да ја нахраните и однатре
Биолошкиот часовник отчукува и за вашата кожа, но верувајте, можно е да ги запрете негативните влијанија на времето и тоа преку внимателно одбраната храна која е составен дел од вашето дневно мени.
Сигурни сме дека ви е добро позната изреката „здравјето преку уста влегува“ – проверена вистина.
Здрави, мали и чести оброци-заповед која треба максимално да се потрудиме да ја исполниме. Не е можно да ја одржите убавината и сјајот на кожата ако не консумирате храна која е богата со витамини и минерали но и омега масни киселини и антиоксиданси.
Кожата мора да ја нахраните однатре, но не претерувајте. Најдобар избор се честите оброци, до шест пати во текот на денот, на одредени временски интервали кои се во согласност со вашиот дневен распоред на активности. Јадете малку, гответе домашна храна и често почестете се со здрави зеленчукови салати, чаеви без додаток на шеќери и интегрални пецива.
Потрудете се прв избор да биде храната која е богата со антиоксиданси. Тие имаат сила да го неутрализираат дејството што слободните радикали и токсините го имаат врз кожата.
Остави коментар