Дезинфекцијата на мобилните телефони е задолжителна во време на пандемија

Редовно чистете го мобилниот телефон од бактерии и нечистотии, особено сега, во време на пандемија-потсетуваат лекарите.

Уредот кој често го држите недалеку од устата содржи многу повеќе бактерии отколку што можете да си замислите.

Според истражувањата спроведени во рамките на Универзитетот „Станфорд“, одредени мобилни телефони се за 18 пати понечисти од даската на тоалетната школка и на нивната површина можат да се најдат повеќе бактерии од површината на плочките во јавниот тоалет.

Истото истражување со сигурност докажало дека извесен број од бактериските заболувања, особено ешерихија коли и стрептококата која предизвикува воспалување на горните дишни патишта се токму предизвикани од нечистите мобилни телефони. На површината на телефоните во многу лабароториски испитувања досега спроведени, најчесто, покрај гореспоменатите патогени, се пронајдени и MRSA но и мувла.

Токму затоа е многу важна редовнатата дезинфекција на мобилните телефони, многу почесто од тоа колку ние вообичаено го практикуваме.

Но, сигурно се прашувате како може да го исчистите мобилниот телефон без да го оштетите? Слабо навлажнетата тенка ткаенина е одличен избор за да им речете збогум на бактериите. Немојте директно да го прскате телефонот со дезинфициенс. Така можете да го оштетите екранот и телото на телефонот.

Извадете ја маската од телефонот. Натопете парче тенка памучна ткаенина во раствор од вода и изопропил алкохол, добро истискајте го вишокот течност и со неа избришете го телефонот. Многу е важно добро да го исцедите парчето ткаенина, да бида влажно но никако да не се цедат капки течност од него дури и при посилен притисок.Нежно избришете ја предната и задната страна на телефонот. Оставете го телефонот да се исуши околу десетина минути и потоа ставете ја маската.

Не заборавајте соодветно да ја исчистите и самата маска и останатите додатоци.