Да се вежба значи да се живее здраво

Се уште не сте почнале да вежбате и наоѓате безброј изговори зошто не сте започнале до сега?

Знаејќи го фактот дека само десетина минути вежбање секој ден, го подобрува здравјето одговорете реално на прашањето дали брзото темпо на живот, пренатрупаниот распоред и обврските се реална причина да се откажете од вежбањето?

Ако сеуште се убедувате себеси дека немате време имајте во предвид дека на почетокот доволни ви се петнаесетина минути активно вежбање. Освен што ќе почувствувате низа позитивни ефекти ќе создадете и здрава навика за вежбање, поради која ќе ви бидат благодарни и телото и духот. Кога еднаш ќе започнете со вежбање ќе се изненадите колку всушност тие неколку минути на физичка активност имаат моќ за ментално приспособување.

Намалувањето на килограмите е само една алка во синџирот на придобивки за вашето здравје. Позитивните ефекти на редовното вежбање се согледуваат и во
намалување на ризикот од срцеви заболувања , мозочен удар и дијабетес,  во одржување флексибилност паралелно со процесот на стареење, одржување на коскената маса, спречување на појава на остеопороза и фрактури; подобрување на расположението и намалување на симптомите на анксиозност и депресија,  зголемување на нивото на самопочит и намалување на стресот.

Затоа не се двоумете, доколку не сте во можност да посетите теретана или специјализирани часови за одредена физичка активност надвор од домот, облечете се удобно, пуштете ја вашата омилена музика и започнете со вежбање.