Здрави и вкусни палачинки со банана
Во нивниот неодолив вкус веруваме дека ќе уживаат сите членови на семејството.
Потребни ви се само неколку состојки кои сигурно веќе ги имате во вашата кујна за да ги подготвите овие здрави и вкусни палачинки со банана.
За нивната подготовка потребни ви се следниве производи:
1 зрела банана
2 јајца
1 чаша кисела вода
200 грама брашно
Подготовката е многу едноставна.
Пред се, започнете со матење на јајцата. Додадете ја киселата вода. Откако добро ќе промешате започнете со постепено додавање на брашното, континуирано мешајќи. На крајот, кога ќе добиете хомогена смеса, без грутки, додајте ја и изблендираната банана. Мешајте додека смесата не се соедини.
Пржете ги палачинките во тавче на умерена температура, со малку масло.
Послужете со малку мед и парчиња свежа банана.
На здравје.
Остави коментар